...WAACHENI WATOTO WADOGO WAJE KWANGU MAANA UFALME WA MUNGU NI WAO(BIBLIA),TUWASAIDIE WATOTO WETU NA WADOGO ZETU(KANUMBA)

Kila mtu ana historia yake ama mbaya au nzuri ya enzi za utoto wake wapo ambao wakikumbuka nyuma wanalia na kuichukia dunia maana walikosa tumaini na faraja toka utotoni mwao.Leo hii sisi tuliokwisha ona angalau mwanga katika hii dunia ni vyema tukawa tumaini au faraja nzuri kwa watoto wetu,tukiwasaidia kuanzia malezi bora,elimu bora lakini pia kunyanyua na kuvumbua vipaji vyao ili kuvikuza waje kuwa zao jema ukubwani,wasije wakalia na kuichukia dunia kama wengine,ni jukumu letu kama wasanii ambao tumeshakuwa angalau wakongwe katika tasnia zetu kuwasaidia watoto wetu,wadogo zetu waendeleze yale mazuri yetu katika sanaa kwa manufaa ya jamii yetu yote.Jukumu hili si langu au lako tu bali ni sisi sote.Mimi kama Steven Kanumba nimeamua kuwashirikisha watoto katika filamu zangu kadhaa ikiwemo WHITE MARIA na THIS IS IT tena kama main character ili kuinua vipaji vyao ambavyo pengine bila sisi kufanya hivyo vitakufa bila kujua...Tusiishie tu kuponda kazi zetu na kuzidharau wakati mwingine tutizame na mazuri wayafanyayo wasanii wetu,itakuwa vizuri kama mchango wetu mkubwa tukauelekeza kwa watoto wetu maana huko ndiko zitokapo baraka toka kwa MUNGU.Ebu tuwasaidie,jiulize msanii ni mara ngapi umepita mtaani watoto wakakushangilia na kusema kuwa wanatamani kuwa kama wewe?kwangu inanitokea kila siku na kusema ukweli watoto kwangu ndio mashabiki namba moja,wakuonapo hawafichi hisia zao nami nawapa sapoti hivi kusaidia baadhi kwa kadri ya uwezo wangu.. Hapa ni katika This is it nikiwa na othman njaidi(kushoto)na kulia ni Khanifa Daudi.vipaji vyao hakika nimejaribu kuvionesha humu.

Hapa ni katika WHITE MARIA ebu tizama hili cover kwa juu ni watoto wengi ambao nimejaribu kuwapa nafasi nao kuonesha uwezo wao ili wanapokuwa wanajitengenezea mazingira hata ya ajira.

hapa ni katika WHITE MARIA

KHANIFA DAUDI ndiye kinara wa THIS IS IT sisemi mengi mtajionea wenyewe,hajawai kuigiza popote ila kwa hapa kavunja rekodi ya watoto wote.

OTHMAN NJAIDI yumo katika THIS IS IT naye kama kinara lakini pia utamuona pia katika WHITE MARIA

watoto hawa walikuwa wananipa hisia zaidi katika kuigiza jinsi nilivyokuwa nikiwafundisha na kuwaongoza walifanya hivyo hivyo bila ya kukosea

katika movie hii mimi ni mjomba wao tazama mapozi yao hakika tukiwapa nafasi wanaweza sana tusiwasahau jamani hata katika mziki huko